formae formarum

chaòs

lëp. 26, 2008 / Dopòwiescë (0) / hana ò 11:03 pp

wierzã w chaòs mùskù

i w chaòs nogów wierzã

w ùtwórczim zamëszlënkù

jidze sã z głową na kòlanach

z harmónią bënë dëcha

Stegna 3/2008

Òpùblikòwóné jakno: Kùńszt Artiznë

spac baro lubiã

stru. 11, 2008 / Dopòwiesców (3) / hana ò 10:14 pp

spac baro lubiã

i lubiã jak we snie

przechôdają do mie

dëchë

nie bòjã sã

i lubiã dëchë cëzé

jak dëchã gwôsnégò

jak cało mòje spi

jô w nocë z nima

ùcékóm na wëżënã

nad chronotop pnã sã

i rosnã jak pòlny kwiat

w stronã słuńca

jem spiącą królewą

gwôsnëch mëszlów i snów

spac baro lubiã

i w spikù swiądno mëszec

i swiądno bëc w bezswiądnym

Stegna 1/2008

Òpùblikòwóné jakno: Kùńszt Artiznë

òbarchniałi

stru. 11, 2008 / Dopòwiescë (1) / hana ò 10:06 pp

òbarchniałosc

je darënkã nieba

dlô wëzdrzónëch

jak òbarchniałé kwiatë

tak prosto òd Bòga

dzëwô mëslô sënie sã

hermeneùticzną spiralą

do bezswiądnoscë swiądno

do bòsczégò pòznaniô

jidze jak głëpasy

swiatu nierówny mëslama

òbarchniałi

w subiektiwnym zemsczim chronos

òbarchniałi geniusz bòżi

Stegna 1 / 2008

Òpùblikòwóné jakno: Kùńszt Artiznë

Mòja artizna

gòd. 7, 2007 / Dopòwiescë (0) / hana ò 1:37 dp

Mòja artizna

Je czësto bënowô

Jak bënë szëfladë

Schòwónô

Jak robaczk w zemi

Je scësno chaòticznô

Je pòmachtónô i trzasłô

Jak kapùsta z grochã

Chaòticzno przërôbióm

Psychiczno demòntëjã

Talentë môłpë

Szãtopierzé skrzidło

Wkrãcył mie w klatë

Roczitnik z Roczicyn

Mój diôcheł artiznë

Bez krëwi i gnata

Ùprôwióm rolã

Fąfkòwatô artizna

Dzëwô kreatizna

aaaaa

Do ritmù tuńcëjã

Przë mrëkù kòta

Z artizną solã bót

I spiéwóm do nót

Fąfczi, wërgle, psotë

Artizna majestatnô

Kùńszt szpòrtownoscë

Mòc genialnotë

Ùtwórczi bëlnotë

Aùtentizna

Ekspòzycjô dëcha

Dërch dërchã

Impresjô mie

Ekspresjô mie

wiérzta nôdgrodzonô w XXII Òglowòpòlsczim Lëteracczim Kònkùrsu m. M. Strijewsczégò, 2007 r.

Òpùblikòwóné jakno: Kùńszt Artiznë

Marchwiowi Mùmaczu Straszkù mój…

gòd. 7, 2007 / Dopòwiescë (0) / hana ò 1:27 dp

Marchwiowi Mùmaczu

Straszkù mój

Nôùczë mie môłczeniô

Artistnégò kùńsztu

Zazdrzeniô sã w mùchã

Z wiôldżima òczama

W majestatnégò wãdzëbôka

Czorgającégò pò zemi

Môłczący dżadu

Z marchwiowima zãbama

Ò môłczenié bënowé

Glingòtno brzëmiącé

Zwãk bùrczibasu

Proszã ce

Reno, wieczór, w dzéń i òb noc

Chcã czëc môłczenié

Chcã pòczëc gwôsny strach

W klasykòwim zwãczenim

I cëché mëslë pòkraczné

Wmëslëc sã w strëgã deszczu

W biôłosc zwónuszków

W pamiãtlëwòsc niezabôtczi

Kòchónô Marchewkò

Mòdlë sã za nama

Mùmaczu, Straszkù mój

Të wiedno przë mie stój

I dopùscë wsłëchac sã

W môłczenié twòje

Òno wëmòwné je jak rëba

Głosné jak wrzeszczenié

Òno nigdë nie zdradzy

Òno wszëtkò rzecze amen

wiérzta nôdgrodzonô w XXII Òglowòpòlsczim Lëteracczim Kònkùrsu m. M. Strijewsczégò, 2007 r.

Òpùblikòwóné jakno: Kùńszt Artiznë

Wierzã w Bòrową Cotkã i niedowinnosc

gòd. 7, 2007 / Dopòwiescë (0) / hana ò 12:59 dp

Wierzã w Bòrową Cotkã

I niedowinnosc wôłków

Jô lasu stwòrzenié

Razã z miedwiedzã

Do Bòga sã mòdlã

Ò niedowinnosc pòwszédną

I òdpùscë nóm naje winë

Prôwdzëwą niedowinosc

Przezdrzélną jak zdrzódło

Niesczapóną jak drzéwiã

Czësti niedowink

Sadnął mie na rãce mòtilk

Przëczurpôł sã zajączk

Niech mdze Królestwò Cotczi

Na Janiół Pańsczi dzëcół klëwie

Zwãczi zwònuszk kwiôtuszk

I niedowinno ùrodzony

Błogòsławiony brzôd

Żëwòta Słowò w lasu

Bòrowô Cotka kroji chléb

Pòwszédną niedowinnosc dôj nóm

wiérzta nôdgrodzonô w XXII Òglowòpòlsczim Lëteracczim Kònkùrsu m. M. Strijewsczégò, 2007 r.

Òpùblikòwóné jakno: Kùńszt Artiznë

jô i të

lëst. 16, 2007 / Dopòwiescë (0) / hana ò 10:56 dp

na skrôwkù tesknotë

mòje egò

w remiónach miłotë

twòje egò

na wiérzchù jô

w pałacu të

skroblã drewienka

dlô ce

skroblesz drewienkã

dlô mie

to w górze jô

a w dole të

to w górze të

a w dole jô

Zymk 5, 2006

Òpùblikòwóné jakno: Kùńszt Artiznë

Żëczbë na gebùrstach

ru. 11, 2007 / Dopòwiescë (0) / hana ò 10:48 pp

Żëczbë na gebùrstach

 

Lorien, nie ùmiejã,

Nie rozmiejã żëczbów

Janiołóm składac.

 

Do nieba sélajã

Leno grósc zemie

Ë pòlnëch kwiatów,

 

Dëcha mòjégò

Szczërégò

Ë czësto lëdzką żëczbã

 

Gwôsnégò skrôwka nieba

Wieczisti redotë.

Dwa fiółczi sélajã.

 

Gduńsk, 11 rujana 2007 r., 25. gebùrstach K. Tuchorsczi

Òpùblikòwóné jakno: Metafizyka / dlô swiãti Kahë

Wniebòwzãcé

séw. 26, 2007 / Dopòwiesców (2) / hana ò 8:30 pp

 Lidija Gačnik-Gombač, Wniebòwzãcé.pdf

Òpùblikòwóné jakno: Demiurgiô Dolmaczënkù

HIP HÒP wãdzëbôków

séw. 23, 2007 / Dopòwiesców (4) / hana ò 10:48 dp

HIP HÒP wãdzëbôków

Wãdzëbôczi przerôbiają

Wej òsadë przerôbiãją

Òrganiczną rówiznã

Kòpią zemską niwiznã

Absorbùją wòdã

Bò wej mają biédã

Stôri lat jednôsce

Zdichają sprãżisce

A hòdowac chcemë

Wãdzëbôczi chcemë

Do wójta jidzemë

Dëtka brëkùjemë

Drãdżi metal zjadłë

Wãdzëbôczi padłë

Na azot ni mają

Szczestlëwò zdichają

Òpùblikòwóné jakno: Kùńszt Artiznë