Bùrk

W najim chlewie mómë bùrka

Mómë bùrka w czôrné piórka

Co mô brzëch jak miech

Ë baro głosny smiéch

Më lubimë negò bùrka

Bùrka nié z pòdwórka

Co z Zetë planëtë

Przëwiózł trzë raketë

Bùrk kùrk – bùrk pùrtk

Bùrkòwati bùrka bùrk

Zjôdł mie dwie marchewczi

Ë szterë rzodkiewczi

Lôtô na miotlékù

Wej do chlewa nëkô

Bùrków ksyżëc wigódny

Czôrny bùrk kòmódny

Bùrków ksyżëc niestrzédny

Szczyrz pòczestny solidny

Mleczną Drogą nëkô krowë

Żôłtëch krowów chòwë

Wiesoło krowë nëkô

Ë paradno szczëkô

Jak gwiôzdë na niebie

Jidą krowë pò niebie

Ë do chlewa ë do nieba

Bùrka nama trzeba

Naji to bùrk kòsmiczny

Chlewno-metafizyczny

Òpùblikòwóné jakno: Kùńszt Artiznë

Nen wpisënk òstôł dodóny w nie., 9, séw., 2007 ò 2:20 dp ë nalôzł sã w dzélu Kùńszt Artiznë. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

2 dopòw. »

Dopòwiesc przez Mark — séw. 10, 2007 @ 8:31 pp

A mòjô starka Léna bë tegò nie zrozmia z tima rzodkiewkama.
Z radiszkama to ju bëło ù ni gwës lepi to zrozmiec ;-)

Dopòwiesc przez hana — séw. 10, 2007 @ 11:53 pp

Në môsz rëcht, Mark, pòlonizna mie sã wkrôdła ;-)
Nawetka Zëchta pòdôwô radiska.
Në to mój bùrk:
Zjôdł mie dwie marchewczi
Ë szterë radisczi

Dodôj dopòwiesc