pòézjô

piszã pòézjã czëstą herezjã parnasu

szepczą cos do mie apòlla mùzë

a jô w liriczné zapinóm gùzë

dwa pòmidoré splesniałé

malujã mlékã skwasniałim

fùrmanów wòzë na niebie

diôchłów artizna jedze

złapiã pòézjã na błaznów wãdkã

wiérztë płënącé w mòrzim gnojowim

jak rëbë wpùszczã wgłãb sebie

roztopiã w mëslach jak kwiatë wiszniowé

z kùńsztã gróscama narwã piscama

w pôlcu serdecznym zgniotã miłotã

kwasną wezgódkã dzëwi jagódczi

zajączka łapką wôłczą jabłóniã rozkrojã

dogòniã letëwkã skrzidlatą i zgniotã

ùkòchóm wszëtczé mùchòmòrë

kùńsztowno zrobiã artistny akt etstazë

ùniosã pòézjã pònad herezjã

lira zamieszkô we mie pòkracznô

a jô pòétką bãdã dzëwaczną

Stegna 4/2008

Òpùblikòwóné jakno: Kùńszt Artiznë

Nen wpisënk òstôł dodóny w sob., 27, séw., 2008 ò 4:05 pp ë nalôzł sã w dzélu Kùńszt Artiznë. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

8 dopòw. »

Dopòwiesc przez Ala Od Skibów — séw. 27, 2008 @ 5:27 pp

Z realnotą Te po prowdze nie mosz nick pospólnego

Dopòwiesc przez hana — séw. 27, 2008 @ 5:57 pp

dzãka Ala za kòmplemeńt;]

i za kòmeńtôrz téż dzãka, bò jô ju mëszla, że nicht tégò nie czëtô, a tak to wiém, że chòc Të;]

Dopòwiesc przez Mark — séw. 27, 2008 @ 6:37 pp

Në nié Hana! :-)
Jô téż czëtóm - móm ce (Alã téż, le òna jakòs narô je sztël) ù se w czëtôrzu pòwrózków RSS. Przez to jak co nowégò, to zarô je to widzec.
A tak przë leżnoscë to môta wa czëtóny Michôła dolmaczënk kòrejansczégò kòmiksu?
http://www.czetnica.org/yang-youn-soon/asaekkiga/
To bë móże tak, bë to “napiãcé” rozładowac ;-)

Mark

Dopòwiesc przez hana — séw. 27, 2008 @ 6:54 pp

ha! në jo, Mark:)
prôwda, téż czëtôsz:)
nad tima pòwrózkama to jô sã zastanôwia, do czegò to w ògle je - to terô przënômni wiém;]

a kòmiks fejn smiészny! në a cos mie Michôł wierã gôdôł, że sã kòrejańsczégò ùćzi;]

pòzdrówczi:)
Hana

Dopòwiesc przez Mark — séw. 27, 2008 @ 7:31 pp

Co do tich pòwrózków to je to baro prakticznô sprawa, jô ò tim pisôł co a jak tuwò: http://kaszubia.com/?q=csb/rss

Acha, mòże sã téż taczi zbiérk pòwrózków zestôwic w sécë, zdrzë:
http://www.netvibes.com/kaszeba
Przë tim, jak môsz darmôk kònto, to môsz bënë téż kaszëbsczi jãzëk do wëbierkù jakno domëszlny - to ju czëstô Michôłowô robòta :-)

He, he, a Michôł mòże sã ë dali ùczi kòrejańsczégò, le chòba téż ju dosc tëli znajë ten jãzëk - gôdô, że barżi drãgò je mù z japóńsczim :-D
Òn robi téż nad pòrtalã pò kaszëbskù ò Kòreji przë csb.wiki, zdrzë: http://csb.wikipedia.org/wiki/P%C3%B2rtal:K%C3%B2reja

Dopòwiesc przez hana — séw. 27, 2008 @ 9:25 pp

dzãka za wëdolmaczenié - to w kùncu widzã, jak to wëzdrzi prakticzno:)

jo, jo, ò japóńsczim Michôł téż cos gôdôł;] niech sã knôp ùczi - bãdze pòżitk dlô kaszëbiznë:))

Dopòwiesc przez Szadi — séw. 28, 2008 @ 8:52 dp

Jo, trzeba ùkòchac mùchòmòre, z tim sã zgòdzã… Znaczi, przez wzgląd na to, co të grzebë zrobiłë dlô Słowión;)

Dopòwiesc przez hana — séw. 28, 2008 @ 9:09 dp

widzã, môsz wiédzã ò mùchòmòrach jak në… slawista!
pòzdrówczi ;) ;) ;)

Dodôj dopòwiesc