Marii Roszak

namaluj mie proszã

swinkã malinką

co chòdzy i nie znô

zaczim żëje

zaczim w bùchce

sobie chòdzy

bò teskniã za nią

chcã miec swòjską

swinkã z ògónkã

zakrãconym do górë

żebë żëła prôwdzëwô

jak swiat mëszlącô

nie wëmëszlonô

dlô kòritka ta swinka

]]> http://hana.kaszubia.com/oglowo/swinka/feed http://hana.kaszubia.com/oglowo/chaos http://hana.kaszubia.com/oglowo/chaos#comments Sat, 26 Jul 2008 21:03:39 +0000 hana http://hana.kaszubia.com/?p=106 wierzã w chaòs mùskù

i w chaòs nogów wierzã

w ùtwórczim zamëszlënkù

jidze sã z głową na kòlanach

z harmónią bënë dëcha

 

spac baro lubiã

i lubiã jak we snie

przechôdają do mie

dëchë

nie bòjã sã

i lubiã dëchë cëzé

jak dëchã gwôsnégò

jak cało mòje spi

jô w nocë z nima

ùcékóm na wëżënã

nad chronotop pnã sã

i rosnã jak pòlny kwiat

w stronã słuńca

jem spiącą królewą

gwôsnëch mëszlów i snów

spac baro lubiã

i w spikù swiądno mëszec

i swiądno bëc w bezswiądnym

“Stegna” 1/2008

òbarchniałosc

je darënkã nieba

dlô wëzdrzónëch

jak òbarchniałé kwiatë

tak prosto òd Bòga

dzëwô mëslô sënie sã

hermeneùticzną spiralą

do bezswiądnoscë swiądno

do bòsczégò pòznaniô

jidze jak głëpasy

swiatu nierówny mëslama

òbarchniałi

w subiektiwnym zemsczim chronos

òbarchniałi geniusz bòżi

“Stegna” 1/2008

]]> http://hana.kaszubia.com/oglowo/obarchniali/feed http://hana.kaszubia.com/oglowo/jem-astralnym-cala http://hana.kaszubia.com/oglowo/jem-astralnym-cala#comments Sun, 16 Dec 2007 21:13:55 +0000 hana http://hana.kaszubia.com/formowanie-forme-artizna/jem-astralnym-cala

jem astralnym całã

z kòsmiczny perspektiwë

pòzéróm

na fizyczné cało

mòje i noszã

z placu w plac

z materialnyma òczama

jaczé widzą òbrazë

z ùszama co czëją

fizyczné cało mòje

zdrzódlany òbrôz

etericzno widzã

z gwiôzdnégò pòzdrzatkù

jem astralnym całã

Mòja artizna

Je czësto bënowô

Jak bënë szëfladë

Schòwónô

Jak robôczk w zemi

Je scësno chaòticznô

Je pòmachtónô i trzasłô

Jak kapùsta z grochã

Chaòticzno przërôbióm

Psychiczno demòntëjã

Talentë môłpë

Szãtopierzé skrzidło

Wkrãcył mie w klatë

Roczitnik z Roczicyn

Mój diôcheł artiznë

Bez krëwi i gnata

Ùprôwióm rolã

Fąfkòwatô artizna

Dzëwô kreatizna

aaaaa

Do ritmù tuńcëjã

Przë mrëkù kòta

Z artizną solã bót

I spiéwóm do nót

Fąfczi, wërgle, psotë

Artizna majestatnô

Kùńszt szpòrtownoscë

Mòc genialnotë

Ùtwórczi bëlnotë

Aùtentizna

Ekspòzycjô dëcha

Dërch dërchã

Impresjô mie

Ekspresjô mie

wiérzta nôdgrodzonô w XXII Òglowòpòlsczim Lëteracczim Kònkùrsu m. M. Strijewsczégò, 2007 r.

Marchwiowi Mùmaczu

Straszkù mój

Nôùczë mie môłczeniô

Artistnégò kùńsztu

Zazdrzeniô sã w mùchã

Z wiôldżima òczama

W majestatnégò wãdzëbôka

Czorgającégò pò zemi

Môłczący dżadu

Z marchwiowima zãbama

Ò môłczenié bënowé

Glingòtno brzëmiącé

Zwãk bùrczibasu

Proszã ce

Reno, wieczór, w dzéń i òb noc

Chcã czëc môłczenié

Chcã pòczëc gwôsny strach

W klasykòwim zwãczenim

I cëché mëslë pòkraczné

Wmëslëc sã w strëgã deszczu

W biôłosc zwónuszków

W pamiãtlëwòsc niezabôtczi

Kòchónô Marchewkò

Mòdlë sã za nama

Mùmaczu, Straszkù mój

Të wiedno przë mie stój

I dopùscë wsłëchac sã

W môłczenié twòje

Òno wëmòwné je jak rëba

Głosné jak wrzeszczenié

Òno nigdë nie zdradzy

Òno wszëtkò rzecze amen

wiérzta nôdgrodzonô w XXII Òglowòpòlsczim Lëteracczim Kònkùrsu m. M. Strijewsczégò, 2007 r.

Wierzã w Bòrową Cotkã

I niedowinnosc wôłków

Jô lasu stwòrzenié

Razã z miedwiedzã

Do Bòga sã mòdlã

Ò niedowinnosc pòwszédną

I òdpùscë nóm naje winë

Prôwdzëwą niedowinosc

Przezdrzélną jak zdrzódło

Niesczapóną jak drzéwiã

Czësti niedowink

Sadnął mie na rãce mòtilk

Przëczurpôł sã zajączk

Niech mdze Królestwò Cotczi

Na Janiół Pańsczi dzëcół klëwie

Zwãczi zwònuszk kwiôtuszk

I niedowinno ùrodzony

Błogòsławiony brzôd

Żëwòta Słowò w lasu

Bòrowô Cotka kroji chléb

Pòwszédną niedowinnosc dôj nóm

wiérzta nôdgrodzonô w XXII Òglowòpòlsczim Lëteracczim Kònkùrsu m. M. Strijewsczégò, 2007 r.

na skrôwkù tesknotë

mòje egò

w remiónach miłotë

twòje egò

na wiérzchù jô

w pałacu të

skroblã drewienka

dlô ce

skroblesz drewienkã

dlô mie

to w górze jô

a w dole të

to w górze të

a w dole jô

“Zymk” 5, 2006

Żëczbë na gebùrstach

 

Lorien, nie ùmiejã,

Nie rozmiejã żëczbów

Janiołóm składac.

 

Do nieba sélajã

Leno grósc zemie

Ë pòlnëch kwiatów,

 

Dëcha mòjégò

Szczërégò

Ë czësto lëdzką żëczbã

 

Gwôsnégò skrôwka nieba

Wieczisti redotë.

Dwa fiółczi sélajã.

 

Gduńsk, 11 rujana 2007 r., 25. gebùrstach K. Tuchorsczi