Archiwùm kategòrëji 'Metafizyka / dlô swiãti Kahë'

Żëczbë na gebùrstach

Òpùblikòwóné przez
hana
at ru. 11, 2007 w Metafizyka / dlô swiãti Kahë. 0 Dopòwiescë

Żëczbë na gebùrstach

 

Lorien, nie ùmiejã,

Nie rozmiejã żëczbów

Janiołóm składac.

 

Do nieba sélajã

Leno grósc zemie

Ë pòlnëch kwiatów,

 

Dëcha mòjégò

Szczërégò

Ë czësto lëdzką żëczbã

 

Gwôsnégò skrôwka nieba

Wieczisti redotë.

Dwa fiółczi sélajã.

 

Gduńsk, 11 rujana 2007 r., 25. gebùrstach K. Tuchorsczi

***

Òpùblikòwóné przez
hana
at séw. 5, 2007 w Metafizyka / dlô swiãti Kahë. 0 Dopòwiescë


Serdecznym pôlcã

Piszã do Cebie

Lëst

Do Nieba

Serdecznym pôlcã

Sygóm òd Cebie

 Lëstu

Z Nieba

……………………………………………………………………………

Òpùblikòwóné przez
hana
at séw. 5, 2007 w Metafizyka / dlô swiãti Kahë. 0 Dopòwiescë

TESTAMEŃT

 

 

Lorien, jak ùmrzã, òddóm Tobie mòjégò Janioła,

że mdzesz miała dwa.

I lżi mdze Tobie na zemie. Òbiecywóm.

Kòchóm Ce.

A Cebie proszã, òddôj mòje ksążczi kòchóné

- do biblioteczi Gduńsczégò Ùniwersyteta.

To mój testameńt,leno Tobie znóny.

Testameńt wërzekłi 29 rujana 2006 r.

i wiele jesz razy pòzdze pòwtôrzóny.

Nigdë wëpòwiedzóny ju nie mdze.

 

Przepisëjã gò z tamtëch stôrëch słowów.

 

 

Lorien Lorien, Janiele mój,

Wëbaczë, że nen testameńt zjiscec sã ni mòże.

 

Witro jak ùmrzã

Òpùblikòwóné przez
hana
at séw. 5, 2007 w Metafizyka / dlô swiãti Kahë. 0 Dopòwiescë

      

…wiérzta pisónô głosnyma mëslama dlô Kasie i dlô Ni wërecytowónô

29 rujana 2006 r. w akademikù w naji jizbie 144…

…………………………………………………………………………………………………………..

Witro jak ùmrzã,

Òddóm tobie mòjégò janioła.

Witro jak ùmrzã,

Mój janiół do ce przińdze.

Witro jak ùmrzã,

Dwa janiołë z tobą bãdą.

 

Miec dwa janiołë

Z dwóma janiołama

Wanożëc pò zemie:

Ùchwëcą za rãce,

Pòd słuńce zaniesą.

Mërdającë nogama,

Wzniesą nad jawernotã,

Pòkôrzą sztëczk nieba.

Dwa janiołë razã.

 

Witro jak ùmrzã,

Òddóm tobie mòjégò janioła.

Witro jak ùmrzã,

Mój janiół do ce przińdze.

Witro jak ùmrzã,

Dwa janiołë z tobą bãdą.

 

Miec dwa janiołë

Z nima chòdzëc i gadac,

Z dwóma janiołama

Ùsniwac i bùdzëc sã.

Trzëmac jich skrzidła,

Midzë blónama

Szëkac nieba.

Dwóch janiołów

Nie dôł mie Bóg.

 

 

…………………………………………………………………………………………………………..

gg

Òpùblikòwóné przez
hana
at séw. 5, 2007 w Metafizyka / dlô swiãti Kahë. 0 Dopòwiescë

z dawnego gg…

 

1) sól w skarpetach…:)) To na pewno sprawka KAhy;> 2 worki soli!!

 

2) KoHANA KaHaaaaaaaaaaa:))) fluor Kasiu jadłam, fluor to byl:>

 

3) KoHANA KaHaaaaaaaaaaa:)))

 

Nebo, nebo /dolmaczënk ze sloweńsczégò/

Òpùblikòwóné przez
hana
at séw. 4, 2007 w Demiurgiô Dolmaczënkù ë Metafizyka / dlô swiãti Kahë. 0 Dopòwiescë

              

Nebo, nebo                                            Niebò, niebò

in neskončna, brezmejna ravan!           ë niedosygłô, bezkùńcowô rówizna!

Pijano oko                                              Spité òkò

žari in iskri                                             pôli sã ë skrzi

in vpija ta svet prostran.                       ë wcygô nen rozwlokłi swiat.

Horizont molči.                                      Hòrizońt môłczi.

Od neba sem mrak hiti…                       Z nieba smrok nëkô…

le še tam iz daljave                               leno jesz tam z dôlëznë

v te proste širjave                                 w nã wòlną rëmiã

brezmejno prost nekdo beži                  nieskùńczono wòlny chtos nëkô

    

Josip Murn, Nebo, nebo, [w:] Mah in srebro. Antologia poezji słoweńskiej, Sejny 1995, s.88.

/dolm. H. Makùrôt/

H

Òpùblikòwóné przez
hana
at séw. 4, 2007 w Metafizyka / dlô swiãti Kahë. 0 Dopòwiescë

   Żëcé to gra

   Ha ha    

  

   Aktorã jô

   Hô hô      

  

   I ni ma mie

   He he    

  

   Leno granié

   Hé hé

   

Kwiat

Òpùblikòwóné przez
hana
at séw. 4, 2007 w Demiurgiô Dolmaczënkù ë Metafizyka / dlô swiãti Kahë. 0 Dopòwiescë

Mùszã wama cos rzeknąc… wama òbëdwùma… Wëòbrazëta sobie, że òd czasu czej nen nażgôla was sparłãcził nym kwiatã, ha, ha, ha, w jakąs dzëwaczną sztaturã, w statuã, ha, ha, ha, ni mògã òbnëkac doznania, że midzë wama cos je… że cos midzë wama sã swiãcy… ha, ha, ha!

Ha, ha, ha!

Ha, ha, ha!

Bò jô wiém!

 

W. Gòmbrowicz, Zdenk, fragm. - dolmaczënk

 

kwiôtk

 

 

 

 

 

 

 

 

 

Rãka

Òpùblikòwóné przez
hana
at séw. 3, 2007 w Metafizyka / dlô swiãti Kahë. 0 Dopòwiescë

…………………………………………

Pòdôwô mie rãkã i

Cygnie do sebie

Wëchôdóm z cała

I stôwóm kòl niegò

Bierze mie w las

Biegniemë jak wiedno

Wlôżómë na drzewa

Te same co wiedno

Trzëmie mie za rãkã

Jô trzemiã ji rãkã

Nicht nas rozdzely

Smierc ju mina

Razã za rãkã

Jesmë w niebie

…………………………………………

Lorien KT

Kasia Tuchorska (1982-2007)

http://www.longstar.art.pl/pages/filmy.php