Archiwùm séw., 2007
HIP HÒP wãdzëbôków
Wãdzëbôczi przerôbiają
Wej òsadë przerôbiãją
Òrganiczną rówiznã
Kòpią zemską niwiznã
Absorbùją wòdã
Bò wej mają biédã
Stôri lat jednôsce
Zdichają sprãżisce
A hòdowac chcemë
Wãdzëbôczi chcemë
Do wójta jidzemë
Dëtka brëkùjemë
Drãdżi metal zjadłë
Wãdzëbôczi padłë
Na azot ni mają
Szczestlëwò zdichają
Kòchóm kicz mój, ridel, wiosło 
W najim chlewie mómë bùrka
Mómë bùrka w czôrné piórka
Co mô brzëch jak miech
Ë baro głosny smiéch
Më lubimë negò bùrka
Bùrka nié z pòdwórka
Co z Zetë planëtë
Przëwiózł trzë raketë
Bùrk kùrk – bùrk pùrtk
Bùrkòwati bùrka bùrk
Zjôdł mie dwie marchewczi
Ë szterë rzodkiewczi
Lôtô na miotlékù
Wej do chlewa nëkô
Bùrków ksyżëc wigódny
Czôrny bùrk kòmódny
Bùrków ksyżëc niestrzédny
Szczyrz pòczestny solidny
Mleczną Drogą nëkô krowë
Żôłtëch krowów chòwë
Wiesoło krowë nëkô
Ë paradno szczëkô
Jak gwiôzdë na niebie
Jidą krowë pò niebie
Ë do chlewa ë do nieba
Bùrka nama trzeba
Naji to bùrk kòsmiczny
Chlewno-metafizyczny
Serdecznym pôlcã
Piszã do Cebie
Lëst
Do Nieba
Serdecznym pôlcã
Sygóm òd Cebie
Lëstu
Z Nieba
TESTAMEŃT
Lorien, jak ùmrzã, òddóm Tobie mòjégò Janioła,
że mdzesz miała dwa.
I lżi mdze Tobie na zemie. Òbiecywóm.
Kòchóm Ce.
A Cebie proszã, òddôj mòje ksążczi kòchóné
- do biblioteczi Gduńsczégò Ùniwersyteta.
To mój testameńt,leno Tobie znóny.
Testameńt wërzekłi 29 rujana 2006 r.
i wiele jesz razy pòzdze pòwtôrzóny.
Nigdë wëpòwiedzóny ju nie mdze.
Przepisëjã gò z tamtëch stôrëch słowów.
Lorien, Janiele mój,
Wëbaczë, że nen testameńt zjiscec sã ni mòże.
Nadchôdają żôłté krowë
A më sã nie bòjimë
Bò w nie nie wierzimë
To naja artizna
Krowiô kreatizna
Z kòsmòsa krowë
Na lëfce lôtają
Przez òkno wchôdają
Nama doskôcają
Żôłté krowë kòsmiczné
Përznã nielogiczné
To naja artizna
Krowiô kreatizna
Slédné dopòwiescë